Unha das figuras máis importantes na educación vial son os semáforos. Conscientes diso, o alumnado de educación infantil realizou tarefas para o coñecemento do mesmo.
Como xa mencionamos nunha entrada anterior, empregamos os semáforos como símbolo para regular a entrada nos baños (verde: está libre, podemos pasar; vermello: está ocupado, temos que esperar). Tamén vimos distintos vídeos, contos e imaxes nos que aparecían semáforos e destroquelamos semáforos de vehículos e peatóns para os recantos dos coches.
Despois disto, introducimos nas aulas de infantil semáforos de conducta que permiten observar como está sendo o noso comportamento e danos a oportunidade de poder melloralo antes de chegar a cor vermella.
Por último, realizamos unha ficha que forma parte da nosa unidade didáctica de educación vial. Esta ficha consiste en colorear os semáforos coas súas respectivas cores e unir cada cor co seu significado.
Aquí están os resultados das nosas tarefas.
Os nenos e nenas coñeceron sinais de circulación. Os de 3 anos traballaron e xogaron con sinais xa elaboradas, mentres que o alumnado de 4 e 5 anos creou as súas propias sinais para o recanto dos coches.
Primeiro visulizamos algunhas sinais e o seu significado a través de vídeos, contos e poñendo en común os nosos coñecementos. Logo cada neno coloreou unha sinal, que despois plastificamos e decoramos para poder empregala no recanto dos coches.
Os/as nenos/as de 4 anos tamén presentaron a súa sinal aos seus compañeiros, entre todos descubrimos o seu significado e logo fixemos xogos para adiviñar o significado de cada unha delas.
Aquí vos deixamos fotos sobre esta actividade na que traballamos e aprendemos un montón!
Para un primeiro achegamento á educación vial visualizamos vídeos, contos e cancións relacionados coa educación vial.
